Transcription
1
Monseigneur, notre procureur nous a donné à entendre vous avoyr escript dès
2
Varce que, suivant voz commandemens de tenir les estatz au plustost, et
3
que en tout temps seriés prest aux fins que les assignations du roy ne
4
soient retardées, on avoit prins jour pour la tenue desdits estatz au dernier de
5
novembre prochain, d’aultant que en ce temps les neiges ne sont en nature
6
pour le moings si grandes que es moys de janvier et febvrier ; ce n’a esté
7
que de l’advis de messieurs les president de Portes et de Grenoble et sans
8
rappourter à messieurs de la cour ou de la chambre, à l’accoustumée par
9
commandement de laquelle les lettres se dressent, avec experance que
10
trouverés le jour bien pris aux fins que ung chacun avant festes se
11
puisse retirer en sa maison. Hier au soir avons receu ung pacquet de
12
la cour dans lequel estoyent encloses plusieurs lettres adressantes à
13
vous, Monseigneur, lesquelles vous envoyons par messagier exprès,
14
avec ung pacquet que nous adressons à monsieur de Chastelard, auquel
15
si escrivés, vous plairra faire couvrir le votre et le notre par votre secretaire.
16
Nous vous envoyons une copie de la lettre dudit sieur de Chastelard, en
17
cas que à icelle la vostre feust rappourtée. Sur ce, vous ayans presenté
18
noz très humbles recommandations, nous prierons Dieu vous donner,
19
Monseigneur, en très bonne santé, très longue et heureuse vie. A Grenoble,
20
le XIIIIe jour d’octobre 1572
21
Voz très humbles et obeissans serviteurs,
22
Les commis des estatz de Daulphiné
23
Bourgel